საიტზე მიმდინარეობს ტექნიკური სამუშაოები

გიორგი შარვაშიძე

დაიბადა 1980 წლის 7 ნოემბერს, ქ. ქუთაისში.

განათლება

2010- 2011  წლებში სწავლობდა აღმოსავლეთ ჩინეთის (ქ. შანხაი) მეცნიერების და ტექნოლოგიის უნივერსიტეტში (ECUST) ბიზნეს ადმინისტრირების სპეციალობით და მიენიჭა მაგისტრის ხარისხი.

2009 წელს სწავლა განაგრძო საფრანგეთსა (ICN Business School, ქ.ნანსი) და მოგვიანებით იტალიაში (Universita Cattolica del Sacro Cuore. ქ.მილანი) და 2010 წელს მიენიჭა საერთაშორისო მენეჯმენტის მაგისტრის ორმაგი ხარისხი.

2005-2006 წლებში გაიარა საქართველოში აშშ-ის საელჩოსა და RAND კორპორაციის მხარდაჭერით გამართული საერთაშორისო ურთიერთობებისა და ეროვნული უსაფრთხოების კურსი საქართველოს სტრატეგიისა და საერთაშორისო ურთიერთობების კვლევის ფონდში.

2002 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის და საერთაშორისო ურთიერთობების ფაკულტეტი და მიენიჭა საერთაშორისო ურთიერთობების ბაკალავრის აკადემიური ხარისხი.

სამსახურეობრივი გამოცდილება

2018 წლის 1 დეკემბრიდან არის საქართველოს საგანგებო და სრულუფლებიანი ელჩი ნიდერლანდების სამეფოში.

2017 წლის 1 დეკემბრიდან 2018 წლის ნოემბრამდე იყო საქართველოს საგარეო საქმეთა მინისტრის მოადგილე.

2016-2017 წლებში იყო სააქციო საზოგადოება „სარაჯიშვილის“ აღმასრულებელი დირექტორის მოადგილე, ოპერაციული დირექტორი.

2006-2016 წლებში მუშაობდა სააქციო საზოგადოება „სარაჯიშვილში“ სხვადასხვა თანამდებობაზე.

2005-2006 წლებში მუშაობდა საქართველოს შინაგან საქმეთა სამინისტროს ადმინისტრაციული დეპარტამენტის საერთაშორისო ურთიერთობათა სამმართველოში უფროს ინსპექტორად.

2004-2005 წლებში იყო საზოგადოებრივი გაერთიანება „დემოკრატიის ცენტრში“ საგარეო ურთიერთობათა მენეჯერი.

2002 წლის ივნისიდან ნოემბრამდე მუშაობდა იმერეთში საქართველოს პრეზიდენტის სახელმწიფო რწმუნებულის აპარატში საგარეო ურთიერთობათა ცენტრის კოორდინატორად.

1996-1998 წლებში იყო ქუთაისის წმინდა ნინოს სახელობის გიმნაზიის გაზეთ „ისრიმის“ მთავარი რედაქტორი.

უცხო ენები

ფლობს ინგლისურ და რუსულ ენებს.

ოჯახური მდგომარეობა

ჰყავს მეუღლე და ორი შვილი.