საიტზე მიმდინარეობს ტექნიკური სამუშაოები

ნიდერლანდებში 19 ნოემბრიდან მოქმედი რეგულაციები

19 ნოემბრიდან მოქმედი რეგულაციები

ჯგუფები:

·  დღის განმავლობაში დასაშვებია არაუმეტეს 3 პირის ან სტუმართა ერთი ჯგუფი სახლში სტუმრად მიღება.

·      ღია სივრცეში დასაშვებია არაუმეტეს 4 პირისგან შემდგარი ჯგუფების ყოფნა (შეზღუდვა არ ვრცელდება ერთად მცხოვრებ პირებზე).

·   დახურულ სივრცეში დასაშვებია მაქსიმუმ 30 ადამიანის ერთად ყოფნა.

 

ყოველდღიური ცხოვრება:

·         სასურველია მინიმალური სიხშირით მგზავრობა.

·         სასურველია სახლიდან მუშაობა, თუ აბსოლუტურად აუცილებელი არ არის სამუშაო ადგილზე მისვლა.

·         13 წლის ასაკიდან ყველამ უნდა ატაროს პირბადე საჯარო დახურულ სივრცეში და საზოგადოებრივ ტრანსპორტში.

·         საშუალო და უმაღლესი განათლების დაწესებულებებში ყველამ უნდა ატაროს პირბადე, გარდა გაკვეთილების/ლექციების პროცესისა.

·         დახურული რჩება კვების ყველა დაწესებულება. შესაძლებელი იქნება მხოლოდ შეკვეთა და წაღება (take-away). გამონაკლისებია:

o   სასტუმროები, რომლებიც ემსახურებიან საკუთარ სტუმრებს.

o   დაკრძალვები.

o   აეროპორტებში არსებული კვების პუნქტები (კონტროლის გავლის შემდეგ).

o   კომპანიების კაფეტერიები.

o   მზრუნველობის დაწესებულებები, რომლებიც საკვებით უზრუნველყოფენ პაციენტებს და მათ მოსანახულებლად მისულ სტუმრებს.

o   მოწყვლადი ჯგუფების ხელშეწყობის მიზნით დღისით მოქმედი დაწესებულებები, რომლებიც უზრუნველყოფენ კვებას.

·         დაწესებულებები, რომლებსაც კომბინირებული აქვთ საკვებითა და სასმლით მომსახურება, უნდა შეაჩერონ მომსახურების აღნიშნული სეგმენტი.

·         მაღაზიები უნდა დაიკეტოს არაუგვიანეს 20:00 საათისა.

·         სასურსათო მაღაზიებს შეუძლიათ უფრო გვიანობამდე მუშაობა.

·         20:00-დან 07:00 საათამდე აკრძალულია ალკოჰოლის რეალიზაცია და მოხმარება საჯარო ადგილებში.

·         აკრძალულია ღონისძიებების ჩატარება. გამონაკლისია:

o   სურსათის ყოველკვირეული ბაზრობები;

o   სავაჭრო ბაზრობები და კონფერენციები;

o   კინოთეატრები და თეატრები, კონცერტები, მუზეუმის გამოფენები და ა.შ.;

o   მატჩები და შეჯიბრებები ელიტური სპორტსმენებისთვის სავარჯიშო კომპლექსებში; ფეხბურთის მატჩები ერედივიზიონში და ერსტედივიზიონში; 18 წლამდე სპორტსმენების შეჯიბრებები თავიანთი კლუბების ფარგლებში.

o   დემონსტრაციები, შეკრებები და შეხვედრები, რომელსაც განსაზღვრავს კანონი „საჯარო შეკრებების შესახებ“.

·         საცალო ვაჭრობის სექტორში მთავარ მოთხოვნად რჩება რეგულაციების მკაცრად დაცვის უზრუნველყოფა. თუ ობიექტი ძალიან გადაიტვირთება, ან არ იქნება დაცული რეგულაციები, შესაძლებელია ობიექტი ნაწილობრივ ან სრულად დაიკეტოს. გამკაცრდება რეგულაციების დაცვის კონტროლი.

·         ობიექტები, სადაც ხალხი გადააადგილებდა ნაკადების სახით (მაგ., ბიბლიოთეკები, მუზეუმები, ზოოპარკები და ა.შ.) ვიზიტორებმა უნდა დაჯავშნონ დროის კონკრეტული მონაკვეთები. ეს რეგულაცია არ ეხება საცალო ვაჭრობის ობიექტებს და სურსათის ყოველკვირეულ ბაზრობებს.

o   შეზღუდვა დაწესდა ჯგუფურ სიმღერაზე. გამონაკლისია:

o   პროფესიონალი მომღერლები;

o   ბავშვები 13 წლამდე;

o   რელიგიურ ან რწმენაზე დაფუძნებულ ღონისძიებებში სიმღერა;

o   სიმღერა დემონსტრაციების დროს.

·         დაკრძალვას შეიძლება დაესწროს მაქსიმუმ 100 ადამიანი.

 

სპორტული აქტივობები ნებადართულია შემდეგი შეზღუდვებით:

·         18 ან მეტი ასაკის მქონე ადამიანებისთვის დასაშვებია სპორტული აქტივობა, თუ მუდმივად დაიცავენ 1.5 მეტრიან სოციალური დისტანციას. ამ პირობით, დასაშვებია სპორტული აქტივობა, რომელიც ითვალისწინებს ინდივიდუალურ ან არაუმეტეს 4-კაციანი ჯგუფების მონაწილეობას.

·         აიკრძალა მატჩები და შეჯიბრებები. გამონაკლისია:

o   ელიტური სპორტსმენების მონაწილეობა წინასწარ განსაზღვრულ ლოკაციებზე.

o   ფეხბურთელები და შესაბამისი დამხმარე პერსონალი ერედივიზიონში და ერსტედივიზიონში.

·         18 წლამდე ასაკის სპორტსმენებისთვის დასაშვებია გუნდური სპორტი, მათ შორის მატჩები და შეჯიბრებები სპორტული კლუბების შიგნით.

·         დახრული რჩება სპორტული სასადილოები, საშხაპეები და გამოსაცვლელი ოთახები.

·         აკრძალულია სპორტულ ღონისძიებებზე მაყურებლის დასწრება.

 

მოგზაურობა:

·         რეკომენდაციები ნიდერლანდების შიგნით მოგზაურობაზე:

o   სახლში დარჩენა, რამდენადაც ეს შესაძლებელია.

o   მოგზაურობის დანიშნულების ადგილზე დარჩენა, რამდენადაც შესაძლებელია.

o   გარეთ გასვლისგან და ხალხმრავალი ადგილებისგან თავშეკავება;

·         რეკომენდაციები ნიდერლანდების საზღვრებს გარეთ მოგზაურობაზე:

 

o   საზღვარგარეთ გამგზავრებისგან თავშეკავება, განსაკუთრებით იანვრის შუა რიცხვებამდე, თუ გამგზავრება არ არის აუცილებელი;

o   დასვენება და ოჯახთან სტუმრობა არ არის აუცილებელი მგზავრობის საფუძვლები.

o   მოქალაქემ უნდა შეამოწმოს ბოლო რეკომენდაციები მგზავრობის შესახებ შემდეგ ვებგვერდზე: www.nederlandwereldwijd.nl.

o   თუ პირი ბრუნდება „ნარინჯისფერი კოდის“ მქონე ქვეყნიდან, ის ექვემდებარება 10-დღიან თვითიზოლაციას.

o    ნებადართულია ნიდერლანდების კარიბულ ტერიტორიებზე გამგზავრება. შეამოწმეთ ბოლო რეკომენდაციები აღნიშნულ არეალში გამგზავრებამდე.


წყარო: https://www.government.nl/topics/coronavirus-covid-19/news/2020/11/17/partial-lockdown-to-continue 





stopcov.ge

 

Occupied Territories of Georgia

eVISA portal