ნიდერლანდებში მოგზაურობა

შეგახსენებთ, რომ  2020 წლის 27 ოქტომბრიდან ძალაში შევიდა ნიდერლანდების სამეფოს მთავრობის გადაწყვეტილება საქართველოში მუდმივად მცხოვრები (რეზიდენტი) პირების ნიდერლანდებში შესვლის აკრძალვის შესახებ. ევროკავშირის 22 ოქტომბრის რეკომენდაციაზე დაყრდნობით და საქართველოში არსებული ეპიდემიოლოგიური სიტუაციიდან გამომდინარე, ნიდერლანდებმა საქართველო ამოიღო უსაფრთხო ქვეყნების სიიდან. 27 ოქტომბერს მიღებული შეზღუდვა, რომელიც კრძალავს ნიდერლანდებში ტურისტული მიზნებით მოგზაურობას, კვლავ ძალაშია.

მაღალი რისკის ქვეყნებიდან, მათ შორის საქართველოდან ნიდერლანდებში შემსვლელმა 13 წლის ან მეტი ასაკის მგზავრმა, რომელსაც აქვს ქვეყანაში შემოსვლის უფლება, უნდა წარადგინოს (1) ან მხოლოდ ბოლო 24 საათში გაკეთებული PCR ტესტის უარყოფით პასუხი, ან (2) ბოლო 72 საათში გაკეთებული PCR ტესტის და ბოლო 24 საათში გაკეთებული სწრაფი ტესტების უარყოფითი პასუხები.

31 მარტიდან საჭირო აღარ არის ამობეჭდილი და ხელმოწერილი „უარყოფითი ტესტის დეკლარაციის“ წარდგენა.

აღნიშნული ვალდებულება ვრცელდება როგორც ტრანზიტულ მგზავრებზე, ასევე - იმ პირებზე, რომლებსაც გაკეთებული აქვთ Covid-19 საწინააღმდეგო ვაქცინა.

წყარო:

https://www.government.nl/topics/coronavirus-covid-19/

https://www.government.nl/topics/coronavirus-covid-19/visiting-the-netherlands-from-abroad/checklist

ნიდერლანდებში კორონავიურსთან დაკავშირებული რეგულაციები

31 მარტიდან, დღის ხანგრძლივობის მომატების გამო, კომენდატის საათი გადაიწევს ერთი საათით და გარეთ გასვლა აიკრძალება 22:00 საათიდან (ნაცვლად 21:00 საათისა) 4:30 საათამდე. კომენდანტის საათი ძალაშია 20 აპრილის ჩათვლით.

ასევე, 15 მაისამდე, ძალაში რჩება რეკომენდაცია უცხოეთში მოგზაურობისაგან თავის შეკავებასთან დაკავშირებიათ.

გახანგრძლივდა შემზღუდავი რეგულაციები. 

დამატებითი ინფორმაციისათვის ეწვიეთ ბმულს:

https://www.government.nl/topics/coronavirus-covid-19/tackling-new-coronavirus-in-the-netherlands

https://www.government.nl/topics/coronavirus-covid-19/tackling-new-coronavirus-in-the-netherlands/coronavirus-measures-in-brief