2012 წლის 15 იანვარს, ნიდერლანდების სამეფოში საქართველოს საელჩოს ორგანიზებით, "ქართული დიასპორის" მხარდაჭერით, და ასევე, საელჩოსთან არსებული საკვირაო სკოლის მოსწავლეების მშობლების თანამონაწილეობით, ქართველი ბავშვებისთვის საახალწლო ზეიმი გაიმართა.

30 ნოემბერს, 2011, ორმა ქართველმა მუსიკოსმა, პიანისტმა ნინო გვეტაძემ და მევიოლინე ლიზა ბათიაშვილმა, ამსტერდამში, საკონცერტო დარბაზ “Beurs van Berlage”- ში, თბილისის ცენტრალური სამუსიკო სასწავლებლის დასახმარებლად, საქველმოქმედო კონცერტი გამართეს. 

კონცერტი ნიდერლანდების სამეფოში საქართველოს საელჩოს, საქველმოქმედო ფონდი “Breath”-ის, საქართველოს პირველი ლედის- სანდრა ელისაბედ რულოვსის, და ასევე, ჰოლანდიელი ბიზნესმენის ბობ მაიერის, ნიდერლანდების ფილარმონიის ორკესტრისა და რადიო AVRO-ს ხელშეწყობით განხორციელდა.